Tre persona arrestohen në Shkodër për akte dhune dhe shkelje të sigurisë
Tre persona janë arrestuar në Shkodër për akte dhune dhe shkelje të sigurisë. Njëri prej tyre është një 73-vjeçar që ka goditur me çekiç bashkëshorten e tij, duke i shkaktuar dëmtime në kokë. Të tjerët janë një 15-vjeçar që ka kryer veprime të dhunshme gjatë protestës studentore dhe një 47-vjeçar që ka ushtruar dhunë fizike ndaj bashkëshortes në prani të fëmijëve të tyre të mitur.
Tre persona janë vënë në pranga nga policia në qytetin e Shkodrës. Arrestimi i tyre ka ardhur për vepra të ndryshme penale.
Një 73-vjeçar është arrestuar për vrasje për shkak të marrëdhënieve familjare, pasi dyshohet se ka goditur me sende të forta (çekiç) bashkëshorten e tij, duke i shkaktuar dëmtime në kokë. Ajo ndodhet ende në spitalin rajonal të Shkodrës ku po merr ndihmë mjekësore. Çekiçi u sekuestrua në cilësinë e provës materiale.
Një tjetër i arrestuar është një 15-vjeçar që ka shkelur masën e sigurisë “Arrest në shtëpi” duke marrë pjesë në protestë dhe duke kryer akte dhune gjatë protestës studentore në Shkodër.
Një 47-vjeçar është arrestuar për ushtrimin e dhunës fizike ndaj bashkëshortes në prani të fëmijëve të tyre të mitur. Gjatë kontrollit në banesën e tij, u gjetën dhe u sekuestruan 140 fishekë. Materialet procedurale i kaluan Prokurorisë për veprime të mëtejshme.