Dëmshpërblim për bizneset e dëmtuara, regjistrojnë dhe paraqesin dëmet
Qeveria ofron dëmshpërblim biznesave të dëmtuara gjatë protestave, por përpara se të marrin dëmshpërblimin, duhet të regjistrojnë dëmet në portalin e-Albania dhe të deklarojnë vlerën e përafërt të dëmit.
Qeveria ka nisur një procedurë për të ofruar dëmshpërblim biznesave të dëmtuara gjatë protestave të fundit. Sipas deklaracionit të ministrit të Ekonomisë, Arben Ahmetaj, bizneset e vogla që kanë pësuar dëme materiale gjatë protestave do të marin dëmshpërblim nga qeveria.
Për të nisur aplikimin, bizneset duhet të regjistrojnë dëmet në portalin qeveritar e-Albania, përmes një hapësire të dedikuar me emrin “Dëmi im”. Në këtë hapësirë, bizneset duhet të deklarojnë vlerën e përafërt të dëmit të shkaktuar dhe të ngarkojnë dokumentet që e vërtetojnë atë.
Pas regjistrimit të aplikimit, dëmet do të verifikohen në terren nga 10 grupe pune të Drejtorisë së Tatimeve. Gjithashtu, do të kontrollohet dokumentacioni përkatës dhe do të krijohet një regjistër me dëmet e evidentuara.
Vetëm pas përfundimit të procesit të verifikimit do të përcaktohen masat konkrete për mbështetjen e bizneseve dhe shlyerjen e dëmeve.