Aktualitet
Protestuesit sulmojnë policinë në Rrugën e Durrësit, efektivët u përgjigjen me gaz dhe ujë
Protestues të maskuar kanë sulmuar policinë në Rrugën e Durrësit, duke e kthyer zonën në një ‘skenë lufte’. Efektivët u janë përgjigjur me ujë, gaz lotsjellës dhe plumba gome.
Rruga e Durrësit në kryeqytet është kthyer në një ‘skenë lufte’, pasi protestues të maskuar kanë sulmuar me gurë dhe sende të fortë drejt Ministrisë së Arsimit dhe efektivëve të Policisë, ndërsa këta të fundit u janë përgjigjur me ujë, gaz lotsjellës dhe plumba gome.
Edhe në momentet e fundit, protestuesit po vijojnë të sulmojnë me pllaka trotuari, molotovë e sende të forta ndaj efektivëve, ndërkohë që tymi ka mbuluar gjithë zonën.