Protestuesit nisin zhvendosjen drejt selisë së Partisë Socialiste
Protestuesit kanë nisur të zhvendosen drejt selisë së Partisë Socialiste, pas përplasjeve dhe kaosit në Rrugën e Durrësit.
Ndërsa përplasjet dhe kaosi kanë përfshirë Rrugën e Durrësit me përdorimin e gazit lotsjellës dhe ujit me presion nga forcat e policisë, situata në terren po merr një tjetër rrjedhë dinamike. Raportohet se turma e protestuesve ka nisur të zhvendoset masivisht nga pika ku ndodhej e stacionuar. Mes thirrjeve të njëpasnjëshme dhe kaosit në rrugë, protestuesit po organizohen për t’u drejtuar drejt selisë qendrore të Partisë Socialiste. Kordonët e policisë dhe forcat e ndërhyrjes së shpejtë janë vënë menjëherë në lëvizje për të riorganizuar perimetrin e sigurisë rreth selisë së mazhorancës, ndërsa situata mbetet mjaft e tensionuar dhe e paparashikueshme.