Përplasjet kulmojnë te Kryeministria, policia sulmon turmën me ujë dhe gazi

KONTENI:

Situata në kryeqytet ka arritur kulmin e tensioneve, teksa turma masive e protestuesve është ripozicionuar sërish pranë godinës së Kryeministrisë. Forcat e rendit kanë ndërhyrë me një operacion masiv për shpërndarjen e tyre. Mjetet e policisë po hedhin ujë me presion në sasi të mëdha drejt turmës, ndërsa shtëllunga të dendura gazi lotsjellës kanë mbuluar të gjithë bulevardin “Dëshmorët e Kombit”. Efektivët e policisë janë kapur nga kamerat dhe aparatet fotografike teksa hedhin bombola gazi lotsjellës direkt nga lartësia mbi protestuesit që ndodhen në shesh. Pavarësisht përdorimit masiv të lëndëve lotsjellëse dhe ujit me presion, situata përballë godinës së ekzekutivit mbetet tepër e kaotike, me protestuesit që nuk largohen.