Tirona mposht Laçin, ‘Fanatics’ shprehin mbështetjen për protestën

Pas derbit Tirana ka siguruar një tjetër 3 pikësh në Superligë, duke mposhtur me rezultatin minimal 1-0 Laçin. Golin e vetëm në ndeshjen e zhvilluar në Vorë e realizoi sulmuesi Daci në pjesën e dytë, duke i ngjitur bardheblutë në kuotën e 11 pikëve pas 7 javësh kampionat, 1 më pak se Dinamo e vendit të tretë. Më shumë se pikët për t’u veçuar është fakti se kjo është fitorja e dytë radhazi në këtë sezon për bardheblutë e drejtuar nga Klafuric.

Gjatë zhvillimit të ndeshjes ra në sy mesazhi i tifozëve ultras të Tiranës, ‘ Tirona Fanatics ’, lidhur me situatën që po kalon vendi për shkak të protestave. Këta të fundit prej ditësh janë shprehur pro protestës. “Kur padrejtësia bëhet ligj rezistenca bëhet detyrim,”-shkruajnë ‘Fanatics’.