Tiranë, fitore tjetër, bardheblutë mposhtin Laçin në Kategorinë Superiore

Tirana vazhdon të përjetojë momente pozitive në Kategorinë Superiore. Pas fitores në Derbin e Kryeqytetit kundër Partizanit, skuadra e Tiranës shënoi tjetër fitore në këtë kategori. Në ndeshjen në javën e 7, Tiranë mposhti Laçin me rezultatin 1-0 dhe merr 3 pikë të tjera që i ndihmojnë edhe për klasifikimin.

Ndeshja u zgjidh në pjesën e dytë, pasi 45 minutat e para u mbyllën me rezultatin 0-0. Momenti që vulosi fatin e kësaj ndeshjeje për Tiranën ishte minuta e 65, kur Erdin Daci shënoi për skuadrën e Tiranës dhe e dha avantazhin 1-0. Shifrat mbetën të tilla edhe në minutat e mbetura, me Tiranën që shkon në kuotën e 11 pikëve dhe i afrohet Dinamos, që humbi në sfidën e së premtes kundër Teutës, ndërsa Laçi mbetet me 7 pikë.