Superiore/ Skënderbeu, vjen më në fund fitorja e parë, mund Elbasanin me përmbysje
Skënderbeu fitoi për herë të parë në sezonin e Superiore, duke mundur Elbasanin me rezultatin 2-1 në ndeshjen e javës së 7 të kampionatit.
Skuadra korçare arriti të fitojë Elbasanin me rezultatin 2-1 në ndeshjen e javës së 7 të kampionatit. Kjo fitore erdhi me përmbysje për Skënderbeun, që ngjitet në kuotën e 6 pikëve.
Vendimtar për skuadrën e drejtuar nga Julian Ahmataj u bë sulmuesi Bismark, i cili ishte autori i të dy golave për Skënderbeun. Elbasani mori avantazhin në minutën e 41 me Mazarin, pas një pasimi të pavullnetshëm të Nikajt. Reagimi i Skënderbeut ishte shumë i shpejtë, duke barazuar pak çaste më vonë me Bismark.
Në pjesën e dytë, Skënderbeu u shfaq akoma më kërkues dhe e mori shpërblimin në minutën e 78 sërish me Bismark, duke përmbysur kështu rezultatin dhe çuar atë në 2-1, që ishte dhe rezultati përfundimtar për Skënderbeun. Kjo fitore e lejon Skënderbeun të parakalojë Vllazninë në klasifikim, ndërsa Elbasani mbetet me 7 pikë.