TENSIONET ARRIJNË KULMIN: Forcat Speciale RENEA zbarkojnë në terren për të marrë kontrollin e situatës

Tensionet në qendër të Prishtinës po bëhen më të rrezikshme, pas përplasjeve të ashpra mes policisë dhe protestuesve. Forcat Speciale RENEA janë zbarkuar në terren për të marrë kontrollin e situatës. Zbarkimi i tyre vjen pas përshkallëzimit të dhunshëm të incidenteve, ku përfshihen goditjet me molotov ndaj mjeteve të policisë, përdorimi i plumbave të gome nga efektivët dhe përplasjet e ashpra trup me trup me protestuesit.

Bulevardi "Dëshmorët e Kombit" është blinduar dhe kordonet e policisë janë të ngushtuara. Forcat Speciale RENEA janë të pajisur me mjetet më të rënda mbrojtëse dhe janë pozicionuar në krah të autobotëve të ujit me presion. Ata po vendosen në pikat më të nxehta të perimetrit për të marrë kontrollin e situatës dhe të ndalë dhunën.