Shehaj përplaset me kryepolicin Hita në bulevard, Kapri mbetet i lënduar

Deputeti Agron Shehaj dhe Erald Kapri u përballën me kryepolicin Skender Hita gjatë protestës në bulevard, pasi u përplasën fizike me efektivët që shoqëronin Hitën. Këta të fundit nuk lejonin Shehajn dhe Kaprin t’i afroheshin.

Pas konfrontimit, Shehaj u prononcua për mediat: “Është e papranueshme të arrestohen minorenë, kanë nxjerrë RENEA-n të armatosur, përse i nxorrën? E keni parë çfarë ka ndodhur? Kanë dhunuar gjakosur 15-vjeçarë në komisariatin nr.2. Drejtori nuk dha asnjë përgjigje, vetëm dhunë për të mbrojtur Edi Ramën”.

Erald Kapri mbeti i lënduar për shkak të sprajit lotsjellës që u hodh drejt tij. Më pas ndërhynë mjekët për trajtimin e tij.