Organizatat kërkojnë hetimin e drejtuesve të policisë për dhunën ndaj protestuesve

Organizatat e shoqërisë civile dhe Qendra Res Publica kanë nxjerrë një letër të hapur drejtuar drejtorit të Policisë shtetërore dhe drejtorit të Policisë së Tiranës, duke kërkuar hetimin e drejtuesve të policisë për dhunën ndaj protestuesve gjatë protestave të fundit në Tiranë. Ata rendisin 31 raste të dhunës policore, duke përfshirë goditje me shkopinj gome, plagosje të rënda dhe keqtrajtim të të miturve. Organizatat kërkojnë ndalimin e forcës së panevojshme ndaj personave të neutralizuar, identifikimin e detyrueshëm të efektivëve dhe hetimin e përgjegjësisë së drejtuesve që mund të kenë urdhëruar ose toleruar dhunën. Ata gjithashtu kanë paraqitur 19 kërkesa për informacion mbi operacionet policore dhe municionet e përdorura. Letra kërkon ruajtjen e regjistrimeve filmike dhe një hetim të pavarur të operacioneve, duke paralajmëruar se pezullimi i disa efektivëve nuk mjafton për të garantuar llogaridhënien.