Agron Shehaj: Protesta duhet të vazhdojë, Rama të largohet pa kushte
Kryetari i Partisë “Mundësia” Agron Shehaj ka thënë se protesta duhet të vazhdojë dhe Edi Rama duhet të largohet pa kushte, pasi presidenti i Republikës Bajram Begaj ka ofruar zgjedhje të parakohshme protestuesve.
KONTENI: Kryetari i Partisë “Mundësia” Agron Shehaj ka komentuar lajmin se Presidenti i Republikës Bajram Begaj ka pasur një takim me dy grupe protestuesish dje dhe sot për t’u ofruar atyre zgjedhje të parakohshme, pas revoltës së të rinjve që ka nisur prej 5 ditësh. Sipas Shehajt, kjo është një zgjidhje që e ka ofruar Edi Rama. Kreu i Mundësia bën thirrje që pavarësisht kësaj, protesta duhet të vijojë sepse Rama duhet të largohet nga posti i kryeministrit pa vendosur kushte. “Edi Rama ka ofruar zgjedhje të parakohshme. Sipas News24, Presidenti i Republikës ka takuar dy grupe protestuesish dje dhe sot dhe u ka ofruar atyre zgjedhje të parakohshme. S’ka dyshim që kjo ofertë ka ardhur nga Edi Rama sepse presidenti është thjesht një vegël e Edi Ramës. Ky është një lajm i jashtëzakonshëm. Ndryshimi nuk ndalet. Protesta duhet të vazhdojë, Rama duhet te largohet pa kushte”, shprehet Shehaj. Dorëheqja e Ramës është kërkesa e vetme e studentëve dhe gjimnazistëve që janë ngritur në revoltë prej 5 ditësh në të gjithë vendin. Lajm bombë. Edi Rama ka ofruar zgjedhje të parakohshme. Sipas News 24, Presidenti i Republikës ka takuar dy grupe protestuesish dje dhe sot dhe u ka ofruar atyre zgjedhje të parakohshme. S’ka dyshim që kjo ofertë ka ardhur nga Edi Rama sepse presidenti është thjesht një vegël e Edi Ramës. Ky është një lajm i jashtëzakonshëm. Ndryshimi nuk ndalet, prandaj duhet të vazhdojmë protestën, nesër, deri sa Edi Rama të iki pa kushte.