Alketa Vejsiu-Ramës: Shqipëria është e shqiptarëve, jo një qeverie apo parti

Moderatore e njohur Alketa Vejsiu-Ramës ka dalë me një reagim të fortë ndaj tensioneve dhe përplasjeve mes protestuesve dhe policisë në Tiranë. Ajo ka zgjedhur të përcjellë një mesazh përmes rrjeteve sociale, duke theksuar se Shqipëria nuk i përket asnjë qeverie, partie apo grupimi politik. "Jo shqiptarët kundër shqiptarëve! Mos! Mund të kemi bindje të ndryshme. Mund të mos pajtohemi për qeverinë, për opozitën, për mënyrën si drejtohet vendi apo për mënyrën si protestohet. Por Shqipëria nuk i përket një qeverie, një partie, një proteste apo një brezi. Shqipëria na përket të gjithëve. Shqipëria është e shqiptarëve! Na mbro, o Zot!", shkruan Alketa Vejsiu.