Rama: Protestuesit që qëllojnë me gurë janë kriminelë dhe fëmijë të verbër

Kryeministri Edi Rama ka deklaruar se ka zgjedhur të mos përfshihet publikisht gjatë ditëve të fundit, duke theksuar se prioritet ka qenë shmangia e një përshkallëzimi të mëtejshëm të dhunës. Ai i cilësoi zhvillimet e ditëve të fundit si një "kurth i ngritur i dhunës që kërkon gjak".

Rama iu referua edhe ngjarjeve të 21 Janarit, duke theksuar rëndësinë e shmangies së pasojave të rendit. Ai cilësoi protestuesit që hedhin gurë drejt policisë si kriminelë dhe fëmijë të verbër të Shqipërisë.

"Me një pikë uji në oqeanin e çudirave, që thuhen dhe përhapen dhe vendosa të jem këtu sot, t'ju shoh në sy dhe t'më shikoni në sy dhe t'përpiqem t'them gjërat e mia pasi për disa ditë, qysh se kjo flamur ka nisur jam përpjekur të mos përfshihem dhe të ndjek e të koordinoj me shumë durim një përpjekje aspak të lehtë për të mos rënë në kurthin e ngritur të dhunës që kërkon gjak. Kërkon gjak. Dhe unë e di historinë e këtij bulevardit. E njoh mirë. Jam ende të freskëta në kujtesë ato që ndodhën më 21 Janar, ku pati disa zjarre sporadike tek tëk në këtë perimetër, jo një kazan, jo një makinë, po ku nuk u prek me asgjë asnjë institucion ku nuk u hodh asnjë molotov, ku nuk u dëmtua dhe nuk u dogj askush nga forcat e rendit, dhe ku u vrane me plumba nga kjo godinë. 4 protestues dhe u plagosën dhjetëra të tjerë, që ndryshe nga sot, nuk shkuan dot as në spital. Përtej faktit që ata që qëllojnë me gurë dhe me zare hekuri e vida për të nxjerrë sytë policisë janë kriminelë, përseri unë e kam mireparashë se ata janë fëmijë të verbër të Shqipërisë dhe jeta e tyre vlen më shumë se cdo gjë tjetër në fund të ditës. Kështu që vetëpërbajtja është A dhe Zh e kësaj historie."

Rama tha se ndërkohe që dëmet nuk janë të vogla, por ndreqen shpejt të tëra për sa i përket dëmeve fizike. Ai tha se do të përpiqej të flasë për të tjera, por që kështu që ai ka qenë pak i përfshirë dhe fushën e ka pasur të lirë atyre që fillojnë dhe mbarojnë ditën duke nxitur dhunën. Ai tha se ky është një nga mijëra gurët e shkulur, trotuarët e bulevardit për të u hedhur mbi Policinë. "Është një armë që mund të bëhet vdekjeprurëse", tha Rama.