Rama: Protestat në Tiranë janë të frymëzuara nga "duar të huaja"

Kryeministri Edi Rama tha sot se protestat që kanë shpërthyer ditët e fundit në Tiranë janë të frymëzuara nga "duar të huaja" dhe jo nga të rinjtë shqiptarë.

Ai tha se dy ditë më parë është neutralizuar një dron me eksploziv, sipas tij i destinuar për të goditur Kryeministrinë. "Para dy ditësh është neutralizuar një dron me eksploziv, i destinuar për të goditur kryeministrinë, duke i vënë zjarrin oborrit të brendshëm, një Zot e di çfarë pasojash, nuk ka të mitur që i shkon mendja ta vërë atë plan, që është një dorë e huaj", tha Rama.

Më tej, kryeministri komentoi dhe lajmet se në Shqipëri mbërrin çdo ditë 1 mijë israelitë në mbështetje apo se mes forcave policore në bulevard ka policë serbë.

"Ata që nuk duan PS në pushtet janë t'i prirur ta relativizojnë dhunën dhe mendojnë se kjo punë zgjidhet me dhunë dhe është çështje e ditës. Duart e huaja, pse po përpiket të krijojë idenë që këtu kanë ardhur israelitët, që këtu, siç thoshte një lajm i rremë i përhapur me shpejtësi, zbresin çdo ditë 1 mijë israelitë për të më mbështetur mua dhe për të rrahur dhe vrarë fëmijë? Kujt i intereson? Ky është një konglomerat antifa që frymëzon të rinjtë frustruar me ekstremet politike karagjozë, një neo-komunist tërësisht i lajthitur dhe një neo-ballist nga ana tjetër që nxit dhunën, që paguan për të bërë dhunë dhe që nuk ndalet. Pas ekstremeve politike, qëndron matufi që mbart të keqen e mbrapshtë që e përndjek Shqipërinë prej 1912, vijen ekstremistët e fesë në një vend që s'ka pasur dhe s'do të këto kurrë probleme fetare. Ky vend është më i fortë se kurrë në arenën ndërkombëtare. Izraeli është vend mik, siç është Katar. Këta të dy s'kanë marrëdhënie diplomatike.

Qershia mbi tortën janë ushtarët serbë që na paskan ardhur këtu dhe na qenkan në uniformën e atyre burrave që i kanë pagat sot më të ulëta se të shumëkujt në këtë shtet, që marrin gurë me breshëri, që digjen si të ishin armiq të këtij vendi dhe që u dyshohuan se qenkan edhe serbë. Kjo është një marrëzi, por jo kolektive për fat të mirë dhe nuk ka për ta përfshirë popullin shqiptar, as ata që janë kundër kësaj qeverie sepse këta film ne e kemi parë. Këta s'kanë mend fare, janë komplet kokëboshë", tha Rama.

Ai ka komentuar dhe daljen e forcave RENEA në protestën e djeshme, ku tha se sa herë një situatë ka premisa për dhunë, RENEA do të jetë aty.

"RENEA del edhe kur luhet një ndeshje futbolli që ka premisa për dhunë. Doli dhe do të dalë. Do të ngushtohet rrethi ndaj atyre me maska. Kush do të flasë me mua pa maska. Kush do të vijojë me maska shtetin do të ketë përballej", u shpreh Rama.