Gjykata e Lartë blindon dritaret me mbrojtëse hekuri për të mbrojtur institucionin

Dje, protestuesit kanë sulmuar Gjykatën e Lartë, duke e bërë të nevojshme që institucioni të marrë masat për të siguruar sigurinë e tyre. Disa punonjës kanë vendosur barriera mbrojtëse prej hekuri në dritaret e institucionit të drejtësisë.

Të njëjtit metoda mbrojtjeje kanë zgjedhur të aplikojnë edhe disa biznese private, pasi këto të fundit kanë rënë pre e sulmeve dhe shkatërrimeve nga protestuesit, duke mos u mbrojtur dot as nga policia.

Gjithashtu, ditën e sotme në Bulevardin "Deshmorët e Kombit" kanë dalë fadromat, të cilat po heqin gurët nga trotuari. Nderhyrja vjen disa ditësh protestash studentore, të shoqëruara me tensione dhe përplasje me forcat e rendit. Gurët janë përdorur nga të rinjtë si një "armë" në shenjë revolte kundër qeverisë.

Kujtoj se ata protestojnë prej ditësh duke kërkuar largimin e kryeministrit Edi Rama. Fillimisht e nisën revoltën e tyre para ministrisë së Arsimit, ndërsa më pas u zgjerua nëpër kryeqytet, duke prekur institucione shtetërore dhe biznese të ndryshme.