Zjarri në bazën ushtarake në Albertë, Kanada

Ministri i mbrojtjes i vendit David McGuinty njoftoi ditën e shtunë se një numër i papërcaktuar njerëzish kanë humbur jetën dhe të tjerë janë plagosur në një zjarr në një nga bazat më të mëdha ushtarake të Kanadasë, në provincën e Albertës. “Më vjen keq të njoftoj se ka pasur vdekje dhe lëndime si pasojë e një incidenti në bazën e Forcave të Armatosura Kanadeze në Wainwright”, tha McGuinty gazetarëve në kryeqytetin Ottawa. Ai nuk specifikoi numrin e të vdekurve ose të plagosurve, as shkaqet e situatës “tragjike” në bazën, e cila ndodhet në pjesën lindore-qendrore të provincës, rreth 210 kilometra në lindje të Edmontonit. Një zjarr i madh ishte ende duke u djegur të shtunën në mbrëmje, tha ai, duke shtuar: “Nuk më kujtohet të ketë ndodhur një incident i ngjashëm në të kaluarën e afërt.”