65 të lënduar gjatë protestës së shtunë në Tiranë

Ministria e Shëndetësisë ka njoftuar se 65 persona kanë mbetur të lënduar gjatë protestës së shtunë në Tiranë, mes tyre 37 efektivë policie, 24 protestues dhe katër kalimtarë, ndërsa 12 persona vijnë të jenë të shtruar në spital. Sipas dhënave zyrtare, mes të lënduarve janë 37 efektivë policie, 24 protestues dhe katër kalimtarë të rastit, përfshirë edhe një të mitur.

Ministria njofton se 12 persona vijnë të jenë të shtruar në Spitalin Universitar të Traumes, ku po marrin trajtim mjekësor për dëmtimet e pësuar gjatë protestës.

Ndërkohë, bilanci i përgjithshëm i pesë ditëve të protestave ka arritur në 272 të lënduar, nga të cilët 169 janë punonjës të Policisë së Shtetit, 82 protestues dhe 21 kalimtarë.

Protesta e pestë e studentëve kundër qeverisë së kryeministrit Edi Rama nisi rreth orës 11:00 para Ministrisë së Arsimit, ku të rinjtë u mblodhën fillimisht në mënyrë paqësore për të shprehur pakënaqësinë e tyre lidhur me arsimin, kushtet ekonomike dhe mungesën e perspektivës.

Gjatë tubimit, studentët dogjën në mënyrë simbolike një valixhe, të cilën e hodhën në oborrin e ministrisë, si mesazh kundër emigrimit të të rinjve.

Situata u tensionua gjatë orëve në vijim, kur protesta u zhvendos drejt qendrës së kryeqytetit dhe zonës përpara Kryeministrisë. Aty u regjistruan përplasjet forta mes një pjesë të demonstruesve dhe forcave të rendit, ndërsa në drejtim të policisë u hodhën gurë, bomba molotov dhe fishekzjarë.

Në disa zona u dogjën automjetë dhe kosha mbeturinash, ndërsa rrugët në qendër të Tiranës u mbuluan nga tymi dhe gazi lotsjellës.

Për të përballuar situatën, policia angazhoi forca të shumta në terren, si dhe furgonë policie e autobotë me ujë, të cilat u përdoren gjatë ndërhyrjeve për shpërndarjen e turmës. Në operacion u përfshinë edhe shërbimet operacionale dhe njësitë “Shqiponja”, ndërsa sipas raportimeve për protestën, në terren u dislokuan edhe forcat speciale RENEA.

Policia përdori gaz lotsjellës, ujë me presion dhe plumba gome, ndërsa përplasjet vijuan për disa orë në zona të ndryshme të qendrës së kryeqytetit, duke shkaktuar bllokime rrugësh dhe dëme materiale.

Pas incidenteve, forcat e policisë vijuan me një valë arrestimesh dhe ndalimesh të protestuesve të dyshuar për përfshirje në aktet e dhunës.

Protesta e së shtunës ishte e pestë kundër qeverisë, ndërsa bilanci i rëndë i të lënduarve dhe përplasjet mes demonstruesve dhe policisë kanë shtuar tensionet në kryeqytet.