Ujë me presion dhe gaz lotsjellës për të shpërndarë protestuesit para Ministrisë së Arsimit

Përplasjet mes policisë dhe protestuesve janë përshkallëzuar sërish para Ministrisë së Arsimit në Tiranë. Forcat e rendit kanë përdorur ujë me presion dhe gaz lotsjellës në përpjekje për të shpërndarë turmën. Situata është tensionuar gjatë protestës së studentëve dhe të rinjve, të cilët vijojnë të kundërshtojnë qeverinë dhe të kërkojnë plotësimin e kërkesave të tyre. Para godinës së ministrisë janë regjistruar incidente të përsëritura, ndërsa raportimet për përplasjet mes protestuesve dhe efektivëve kanë shoqëruar tubimet e ditëve të fundit.