Lihen në burg dy të arrestuarit për vrasjen e Beqir Devollit

Gjirokastër/ Dy shtetasët Behar Zyberi dhe Shpëtim Malasi janë lënë në burg për të qenë autorë të vrasjes me lëndë shpërthyese të 48-vjeçarit Beqir Devolli në qendër të qytetit të Gjirokastrës. Ngjarja ndodhi më 10 tetor dhe zbardhja e saj u krye 6 ditë më pas. Falë hetimeve intensive, policia bëri të mundur edhe ndalimin e tyre dhe shpalli në kërkim Gentjan Zhupën dhe Kliton Omerin. Është e mundur që të tjerë të kenë qenë përfshirë në ngjarje, por për arsye të hetimit, emrat e tyre nuk bëhen të njohur. Vrasja është e lidhur me prishjen e pazareve të lëndëve narkotike drejt shteteve të Bashkimit Evropian.