Protestuesit zhvendosen drejt Bulevardit "Zogu i Parë" pas përpleshave me policinë

Policia ka nisur ndjekjen e protestuesve në qendër të Tiranës, ndërsa turma po zhvendoset drejt Bulevardit “Zogu i Parë”, pas përpleshave të forta pranë Muzeut Historik Kombëtar dhe në dalje të Rrugas së Durrësit.

Lëvizja e demonstruesve vjen pas ndërhyrjes së forcave të rendit me gaz lotsjellës, ndërsa gjatë përballeve të fundit studentët kanë hedhur gurë dhe fishekzjarë në drejtim të policisë.

Tashmë protesta ka marrë një tjetër drejtim, me qytetarët që po lëvizin përgjatë Bulevardit “Zogu i Parë” dhe efektivët e policisë që i ndjekin nga pas.

Kjo është një tjetër zhvendosje e turmës gjatë ditës së sotme. Më herët, protestuesit u ndanë në dy grupe, me një pjesë që qëndroi në fund të Bulevardit “Dëshmorët e Kombit” dhe një tjetër që marshoi drejt Muzeut Kombëtar.

Në bulevard, policia ndërhyri me tre automjete ujëhedhëse dhe gaz lotsjellës për të shpërndarë demonstruesit. Gjatë përpleshave, protestuesit rrokullisën edhe blloqe të mëdha betoni në drejtim të forcave të rendit.

Në ditën e gjashtë të revoltës kundër Edi Rama, ndërhyrjet policore nuk i kanë dhënë fund protestuesve. Demonstruesit po ndryshojnë vazhdimisht vendndodhjen, ndërsa kërkesa e tyre për dorëheqjen e kryeministrit mbetet e pandryshuar.

Media që s’e dorëzon pavarësinë e saj, i paraprine një qeverisje të ndershme. Pamfleti është një platformë mediatike analitike që u “lind” si domosdoshmëri e një tribune pa kompromis, si një zë i fuqishëm në luftën pa ekuivok ndaj krimit dhe korrupsionit politik në Shqipëri.