Protestuese këndon para kordonit të policisë te Ministria e Brendshme: Mos kini frikë

Një protestuese është afruar duke kënduar drejt kordonit të policisë pranë Ministrisë së Brendshme, ndërsa u ka bërë thirrje protestuesve të tjerë të mos kenë frikë. Ajo ka ecur në drejtim të efektivëve të policisë, duke kënduar dhe duke iu drejtuar turmës me mesazhin për të mos u tërhequr nga frika. Situata vijon të jetë e tensionuar, ndërsa protestuesit ndodhen përballë kordonit të forcave të rendit, që është vendosur për të penguar avancimin e tyre drejt Kryeministrisë.