Gjykata liron 22 të arrestuarit në Durrës, masat e sigurisë vendosur

Gjykata e Durrësit ka marrë vendim për 22 të rinjtë që u ndaluan nga policia gjatë ditës së protestave në qytetin bregdetar. Katër prej tyre janë lënë në masën e sigurisë "Arrest në shtëpi", ndërsa për 18 të tjerët është caktuar masa "Detyrim për t'u paraqitur në policinë gjyqësore". Me këtë vendim, asnjëri prej tyre nuk do të qëndrojë në paraburgim. Katër të rinjtë do të duhet të respektojnë kushtet e arrestit shtëpiak, ndërsa pjesa tjetër do të ndiqet në gjendje të lirë, me detyrimin për t'u paraqitur pranë autoriteteve sipas percaktimeve të gjykatës. Masat e sigurisë janë vendosur në kuadër të hetimeve për incidentet e regjistruara gjatë protestave në Durrës.