Papa Leoni XIV shfaqet në publik dhe përcjell mesazh paqeje

Papa Leoni XIV është shfaqur sërish para besimtarëve pas ndërhyrjes kirurgjikale për kancerin e mushkërive. Ai ka drejtuar lutjen tradicionale të së dielës dhe ka përcjellë një mesazh shpresë, duke folur për periudhën e vështirë shëndetësore që ka kaluar.

Papa iu nënshtrua një ndërhyrjeje kirurgjikale më 13 tetor në spitalin Gemelli të Romës, gjatë së cilës iu hoq pjesa e poshtme e mushkërisë së djathtë. Sipas Vatikanit, operacioni përfundoi me sukses dhe pa komplikacione.

Gjatë fjalës së tij, Papa falenderoi personelin mjekësor dhe besimtarët për mbështetjen dhe lutjet, duke shprehur solidaritet me të gjithë ata që përballejnë me sëmundje dhe vështirësi shëndetësore.

Ai bëri të ditur se, pas kapërcimit të kësaj faze delikate, do t'u rikthehet gradualisht angazhimeve të tij.

Në mesazhin drejtuar besimtarëve, Papa u ndal edhe te rëndësia e sinqeritetit, përgjegjësisë dhe veprave të mira, duke reflektuar mbi thënien biblike për t'i dhënë Cezarit atë që i përket Cezarit dhe Zotit atë që i përket Zotit.

Rikthimi i tij në publik vjen një ditë pas daljes nga spitali, ndërsa mjekët kanë raportuar ecurinë të kënaqshme të rikuperimit pas ndërhyrjes kirurgjikale.