Policia zë pritë protestuesve në kryqëzimin e QSUT-së, gaz lotsjellës dhe përplasje

Protestuesit kundër qeverisë së Edi Rama janë zhvendosur në rrugën "Bardhyl" dhe kanë marshuar drejt kryqezimit pranë Qendrës Spitalore Universitare "Nënë Tereza". Forcat e policisë u kanë zënë pritë demonstruesve në kryqezimin e QSUT-së, duke u dalë përpara për të penguar vijimin e marshimit. Mes palëve kanë nisur përplasjet, ndërsa policia ka përdorur gaz lotsjellës për të shpërndarë turmën.

Gjatë lëvizjes së protestuesve në Rrugën Bardhyl është sulmuar edhe një filial i Intesa Sanpaolo Bank. Përplasjet pranë QSUT-së shënojnë një tjetër vështirësi në kryeqytet, pas zhvendosjes së demonstruesve në disa rrugë të Tiranës gjatë ditës së gjashtë të protestave.

Pavarësisht ndërhyrjeve të policisë për të shpërndarë turmën, protestuesit kanë vijuar marshimin nëpër kryeqytet, duke kërkuar dorëheqjen e kryeministrit Edi Rama. Media që s’e dorëzon pavarësine e saj, i paraprine një qeverisje te ndershme. Pamfleti është një platformë mediatike analitike që u “lind” si domosdoshmëri e një tribune pa kompromis, si një zë i fuqishëm në luftën pa ekuivok ndaj krimit dhe korrupsionit politik në Shqipëri.