Protesta në Tiranë është agresion kundër Republikës, thotë Beqiri

Avokati Idajet Beqiri ka bërë deklarata të forta lidhur me protestat në Tiranë, duke pretenduar se pas akteve të dhunës qëndrojnë organizime të lidhura me interesa të jashtme dhe duke e cilësuar situatën si agresion kundër Republikës së Shqipërisë. Beqiri ngriti pretendime për përfshirjen e Rusisë dhe aktivizimin e lëvizjes ANTIFA, duke përmendur edhe zhvillimet në vende të tjera europiane, si Spanja dhe Portugalia. Ai pretendoi se personat e arrestuar në kuadër të protestave nuk përfaqësojnë një lëvizje studentore, por janë militantë politikë ose persona të lidhur me organizime të tjera. Sipas tij, protestat janë shoqëruar me akte të rënda dhune ndaj institucioneve shtetërore.