Rey Manaj dhe Myrto Uzuni: "E ardhmja e Shqipërisë nuk mbytet me forcë"

Rey Manaj dhe Myrto Uzuni, dy nga sulmuesit më të mirë të Kombëtares shqiptare, kanë deklaruar se e ardhmja e Shqipërisë nuk mund të mbytet me forcë. Ata kanë reaguar ndaj dhunës së policisë ndaj studentëve protestues, duke kërkuar dinjitet, respekt dhe liri për një të ardhme më të mirë në Shqipëri.

Rey Manaj ka thënë se studentët janë fëmijët e tyre, dhe zëri i tyre nuk duhet të mbytet me dhunë. "Dua të shpreh shqetësimin tim për dhunën ndaj studentëve dhe protestuesve. Studentët janë fëmijët tanë, janë e ardhmja e kombit dhe meritojnë të degjohen... Askush nuk duhet të ushtrojë dhunë ndaj tyre, aq më pak ata që kanë për detyrë të mbrojnë qytetarët," ka thënë Manaj.

Myrto Uzuni ka deklaruar se policia duhet të nderojë uniformën e tyre dhe të mos lejohet që veprimet e disa individëve të njollosin imazhin e gjithë strukturës. "Si sportist, kam përjetuar krenarinë që t'i jep përfaqësimi i vendit tënd. Besoj se edhe uniforma e policisë duhet të mbahet me atë ndjenjë përgjegjësie... Dhuna ndaj qytetarëve që protestojnë është e papranueshme. Qytetarët meritojnë të degjohen dhe të ndihen të mbrojtur," ka thënë Uzuni.

Reagimet e dy prej lojtarëve më dashur për tifozët kuqezinj janë pritur me qindra shpërndarje dhe komente pozitive, duke deshmuar se zëri i sportistëve ka një peshë të madhe kur bëhet fjalë për çështjet e ndjeshme sociale të vendit.