Zelensky akuzon Trumpin për presionin e tij ndaj Ukrainës

Presidenti ukrainas, Volodymyr Zelensky, ka akuzuar administratën e Donald Trump se po ushtron presion ndaj Kievit për të pranuar kushte që do të çojnë drejt kapitullimit përballë Rusisë. Në një intervistë për Bloomberg, Zelensky deklaroi se marrëdhëniet mes Ukrainës dhe Shteteve të Bashkuara kanë hyrë në një periudhë të vështirë, pas një jave të përlasjesh politike mes dy presidentëve.

"Besoj se janë ndërmarrje hapa me qëllim që Ukraina të bindet të kapitullojë", deklaroi Zelensky nga zyra e tij në Kiev. "Nuk po them se ky është objektivi që ndjekin partnerët tanë. Nuk dua të besoj se partnerët tanë amerikanë mendojnë se lufta kundër Rusisë mund të përfundojë shpejt në kurriz të Ukrainës. Megjithatë, kështu duket", shtoi presidenti ukrainas.

Sipas tij, disa prej vendimeve të fundit të Uashingtonit kanë krijuar vështirësi të shtesë për forcat ukrainase, në një kohë kur Rusia vazhdon sulmet ndaj qyteteve dhe infrastrukturës energjetike të vendit. Zelensky propozon ndërprerjen e sulmeve ndaj rafinerive ruse në këmbim të raketave Patriot.

Një nga çështjet kryesore të mosmarrëveshjes mes Kievit dhe Uashingtonit lidhet me sulmet ukrainase ndaj rafinerive ruse të naftës. Administrata Trump i ka kërkuar Ukrainës të ndërpriste këto operacione, duke argumentuar se dëmtimi i kapaciteteve ruse të përpunimit të naftës ka ndikuar në rritjen e çmimeve të karburanteve në tregjet ndërkombëtare, veçanërisht të naftës dizel.

Në përgjigje të kësaj kërkese, Zelensky ka paraqitur një propozim të ri, sipas të cilit Ukraina do të ndalonte sulmet ndaj sektorit rus të dizelit, nëse Shtetet e Bashkuara do të siguronin më shumë raketa për sistemet e mbrojtjes ajrore Patriot.

"Tani kemi përpara ditë të rrezikshme deri në zgjedhjet", deklaroi Zelensky, duke iu referuar zgjedhjeve të ndërmjetme amerikane të 3 nëntorit. "Propozimi im i fundit ishte ky: ne nuk godasim naftën dizel ruse, ndërsa ju na jepni raketa për sistemet Patriot, në mënyrë që të mbrojmë objektet tonë. Por ata duan thjesht që ne të ndalojmë sulmet ndaj dizelit. Dhe nëse e godasim, do të na ndërprisim aksesin në diçka", u shpreh presidenti ukrainas.

Deklarata pasqyron shqetësimin e Kievit se Uashingtoni mund ta përdorë mbështetjen ushtarake dhe teknologjike si një mjet presioni për të ndikuar në vendimet strategjike të Ukrainës.