Alarm për bombë në avionin e linjës Tel Aviv-Vjenë, piloti bën ulje emergjente në Sofje

Një avion i Austrian Airlines që fluturonte nga Tel Aviv për në Vjenë bëri një ulje emergjente në Sofje të Bullgarisë për shkak të një kërcënimi të dyshuar për sigurinë gjatë fluturimit.

Sipas Times of Israel, alarmi u aktivizua nga zbulimi i një "objekti të dyshimtë" në avion, me ekuipazhin që lëshoi një sinjal emergjent.

Pasagjerët në fluturim i thanë medias izraelite Ynet se ulja e detyruar lidhej me një informacion anonim për një bombë në bord.

Aeroplani u ul në kryeqytetin bullgar, ku zbritën pasagjerët, raportoi Ynet. Deri më tani, prania e një pajisjeje shpërthyese nuk është konfirmuar dhe mbetet e paqartë se çfarë e shkaktoi saktësisht alarmi.