Mirela Kumbaro: Shkollat janë të hapura dhe në funksion të plotë, mirënjohje për mësuesit

Ministrja e Arsimit Mirela Kumbaro mëngjesin e sotëm, përmes një mesazhi nga zyrat e Ministrisë së Arsimit ka deklaruar se shkollat janë të hapura dhe në funksion të plotë. Ajo tha se punonjësit e Ministrisë së Arsimit nuk kanë ndaluar asnjë ditë punë, qoftë fizikisht, qoftë online për shkak se një pjesë e zyrave të janë të dëmtuara.

Gjatë fundjavës, Ministrja e Arsimit ka qenë në komunikim pa pushim me sistemin tonë arsimor që java të rifillojë në të gjitha shkollat, ku ju presin krahëhapur mësuesit, drejtuesit, oficerët e sigurisë, punonjësit socialë. Ajo tha se janë të gjithë në krye të detyrës dhe dua t’u shpreh mirënjohjen time më të thellë të gjithë mësuesve për gjithë përkushtimin e dhënë dhe kohën jo vetëm për fëmijët, por për komunikimin me prindërit.

Mësimi ka nisur këtë të hënë në mbi 1400 shkollat e vendit, në të gjithë Shqipërinë. Ndërkohë, Ministrja Mirela Kumbaro ka pasur një mesazh edhe për prindërit. Ajo u drejtohet prindërit duke i ftuar të flasin me fëmijët dhe të kërkojnë që çdo orë që ua merr dhuna, çdo minutë që shohin vandalizmat që i janë bërë qytetit tonë në rrjetet sociale, janë orë të humbura nga jeta e tyre. Ajo tha se koha e tyre është për edukim dhe shkollat janë të hapura dhe në funksion të plotë.

Ministrja e Arsimit u është drejtuar edhe studentëve, duke i ftuar për dialog. Ajo tha se janë në komunikim, edhe individualisht, gjatë gjithë këtij viti në këtë detyrë ku jam, dhe dua t’ju garantoj se dera e Ministrisë është e hapur, por edhe zemra e punonjësve të Ministrisë së Arsimit është e hapur. Ajo tha se gjërat bëhen me zemër dhe me dëshirë për të ecur përpara dhe se në çdo çast është gati të ulemi bashkë dhe të përmirësojmë gjithçka që duhet bërë.