"Mirela Kumbaro: Shkollat janë të hapura dhe në funksion të plotë, prindërit të kenë besim në mësuesit"

Ministrja e Arsimit, Mirela Kumbaro, ka dhënë një mesazh të qëndrueshëm për shkollat dhe mësimin në Shqipëri, duke deklaruar se shkollat janë të hapura dhe në funksion të plotë. Ajo ka thënë se punonjësit e Ministrisë së Arsimit nuk kanë ndaluar asnjë ditë punë, fizikisht ose online, për shkak se një pjesë e zyrave janë të dëmtuara.

"Gjatë fundjavës kemi qenë në komunikim pa pushim me sistem tonë arsimor dhe java tani rifillohet në të gjitha shkollat, ku ju presin krahëhapur mësuesit, drejtuesit, oficerët e sigurisë, punonjësit socialë. Jemi të gjithë në krye të detyrës. Dua t'u shpreh mirënjohjen time të thellë të gjithë mësuesve për gjithë përkushtimin e dhënë dhe kohën jo vetëm për fëmijët, por për komunikimin me prindërit", ka thënë Ministrja e Arsimit.

Mësimi ka nisur këtë të hënë në mbi 1400 shkolla në vend, në të gjithë Shqipërinë. Ministrja e Arsimit ka thënë se duhet të kenë besim në mësuesit dhe të flasin me fëmijët e tyre.

"Të dashur prindër, kini besim te mësuesit. Por sidomos flisni me fëmijët tuaj. Çdo orë që ua merr dhunë, çdo minutë që shohin vandalizmat që i janë bërë qytetit tonë në rrjetet sociale, janë orë të humbura nga jeta e tyre. Koha e tyre është për edukim. Shkollat janë të hapura dhe në funksion të plotë", ka thënë Ministrja e Arsimit.

Ministrja e Arsimit u është drejtuar edhe studentëve, duke i ftuar për dialog.

"Studentë, kemi qenë në komunikim, edhe individualisht, gjatë gjithë këtij viti në këtë detyrë ku jam, dhe dua t'ju garantoj se dera e Ministrisë është e hapur, por edhe zemra e punonjësve të Ministrisë së Arsimit është e hapur. Gjërat bëhet me zemër dhe me deshirë për të ecur përpara. Në çdo çast jam gati të ulemi bashkë dhe të përmirësoj gjithçka që duhet bërë", u shpreh Ministrja e Arsimit.