Policia arreston dy shtetasë të Kurbinit me makinë të blinduar dhe armë

Policia shqiptare arrestoi dy shtetasë të Kurbinit, Elson Picaku dhe Zef Kolndreu, në një operacion të koduar "Blindi" në Laç. Dy shtetasit u kapën në flagrancë duke lëvizur me një automjet luksoz të blinduar, tip "BMW", që drejtohej nga Picaku. Nga verifikimet rezultoi se Picaku kishte thyer masën e sigurisë "Arrest në shtëpi", caktuar nga Gjykata e Apelit Tiranë, për veprën penale "Prodhimi dhe shitja e narkotikëve". Kolndreu, pasagjer në automjet, iu gjet një sasi lënde e dyshuar narkotike Cannabis Sativa, ndërsa në banesën e tij u gjetën një jelek antiplumb dhe një armë e ftohtë (shpatë). Automjeti i blinduar, që dyshohet se është përfituar nga të ardhura me burime të dyshimta, lënda narkotike, sendet e kundërligjshme dhe 3 celularë u sekuestruan në cilësinë e provës materiale. Vijojnë hetimet për dokumentimin e veprimtarive të kundërligjshme të këtyre shtetasve. Materialet procedurale iu referuan Prokurorisë, për veprime të mëtejshme.