Xhama të rinj te selia e PS pas gurëve nga protestuesit, shtohen forcat e policisë te godina e socialistëve

Janë vendosur xhamat e rinj sot në godinën e Partisë Socialiste, pasi një ditë më parë, në dy episode, protestuesit i thyen ato me gurë. Ndërkohë, siç shihet nga pamjet dhe raportimi nga terreni i gazetarëve të Top Channel, që po ndjekin edhe sot nga afër të gjitha zhvillimet, në ambientet e jashtme të PS-së janë shtuar forcat e policisë. Ndërkohë, një ditë më parë, gjatë sulmit me gurë, u panë të dilnin nga godina rozë disa persona të maskuar, ndërsa në duar mbanin shkopinj druri, me të cilët tentonin të zmbrapsnin protestuesit.