Banka e Shqipërisë: Shërbimet bankare vazhdojnë, kursimet janë të mbrojtura

Banka e Shqipërisë ka bërë thirrje qytetarëve të respektojnë dhe të mbrojnë institucionet bankare, ndërsa këshillon bizneset dhe klientët të ndjekin njoftimet zyrtare dhe të përdorin kanalet alternative të shërbimit. Institucioni thekson se depozitat dhe kursimet e qytetarëve janë të sigurta dhe nuk rrezikohen nga dëmtimet fizike të ambienteve. Kufizimet e përkohshme të shërbimeve në degë të caktuara lidhen me nevojën për të mbrojtur sigurinë fizike të punonjësve dhe klientëve.