Protestuesit thyejnë derën e Gjykatës së Apelit në Tiranë

Protestuesit kanë vazhduar marshimin e tyre drejt Rrugës së Elbasanit në Tiranë, pas largimit nga ambientet e Ministrisë së Arsimit nga forcat e policisë. Ata janë ndalur para Gjykatës së Apelit, ku situata është tensionuar.

Një grup protestuesish ka nisur të hedhë gurë në drejtim të fasadës së gjykatës, para se të zhvendosej drejt hyrjes kryesore të institucionit. Më pas, protestuesit kanë ushtruar forcë mbi derën e hekurt të godinës, duke arritur ta shkatërrojnë atë dhe të futen në ambientet e brendshme të Gjykatës së Apelit.

Incidenti ka ndodhur gjatë vijimit të protesteve në kryeqytet, pas hyrjes së policisë për largimin e pjesëmarrësve nga Ministria e Arsimit.