Sarina Wiegman vazhdon të drejtojë Anglinë deri në vitin 2029
Trajnerja holandeze Sarina Wiegman do të vazhdojë të drejtojë kombëtaren angleze deri në vitin 2029, pasi Federata Angleze e Futbollit e rinovoi kontratën e saj.
Sarina Wiegman do të vazhdojë të drejtojë kombëtaren angleze deri në vitin 2029, pasi Federata Angleze e Futbollit e rinovoi kontratën e saj. Wiegman, trajnere holandeze, u emërua në shtator të vitit 2021 dhe ka shënua një periudhë të jashtëzakonshme në drejtimin e Anglisë. Nën udhëheqjen e saj, skuadra fitoi Europianin në vitin 2022 dhe mbrojti titullin në vitin 2025, ndërsa në vitin 2023 arriti deri në finalen e Kupës së Botës, ku u mposht nga Spanja.
Wiegman tha se është shumë e lumtur që mund të vazhdojë me këtë grup dhe nuk mund ta imagjinojë një punë më të mirë në futboll. Synimi i radhës për Angli është Kupa e Botës 2027, që do të zhvillohet në Brazil. Kombëtarja angleze do të përballet me Ukrainën në një eliminatore me dy ndeshje, të planifikuara për nëntor dhe dhjetor, me një billetë për turneun botëror në lojë.
Federata Angleze konfirmon besimin e një prej trajnereve më të suksesshme të futbollit të femrave, ndërsa synimi është që Anglia të vazhdojë të jetë protagoniste në kompeticionet më të rëndësishme ndërkombëtare.