Ambasada e Zvicrës: Tensionet duhet të ulen dhe të jepet përparësi dialogut

Ambasada e Zvicrës në Tiranë ka shprehur shqetësimin për përshkallëzimin e dhunës dhe dëmtimin e pronës publike dhe private gjatë protestave të fundit në Shqipëri. Në një deklaratë, ambasada ka bërë thirrje për të gjitha palët të tregojnë përmbajtje dhe të ulin tensionet, duke theksuar rëndësinë e garantimit të së drejtës për protestë paqësore dhe lirisë së medias. U bëhet gjithashtu thirrje autoriteteve që të garantojnë dhe mbrojnë plotësisht të drejtën për tubim paqësor dhe lirinë e medias, dhe forcave të sigurisë që të veprojnë në përputhje me standardet ndërkombëtare të të drejtave të njeriut.