Ndalohet 15-vjeçari që tentoi të vidhte një bankomat në Tiranë

Policia e Tiranës ka identifikuar dhe ndaluar një 15-vjeçar që tentoi të vidhte një bankomat në rrugën "Luigj Gurakuqi" në Tiranë. Përmes një njoftimi zyrtar, Drejtoria e Vigjilancës Publike (DVP) e Tiranës bën me dije se i mituri dyshohet se është njëri nga autorët e thyerjes së një bankomati në rrugën "Luigj Gurakuqi" më datën 15.10.2026, me qëllim vjedhje. Punohet për identifikimin dhe ndalimin e shtetasve të tjerë të përfshirë në këtë rast. Materialet procedurale iu referuan Prokurorisë për veprime të mëtejshme.