Monaco vendos kufizime për tifozët e Freiburgut
Autoritetet e Principatës kanë vendosur masa të posaçme sigurie për ndeshjen e Ligës së Konferencës, duke kufizuar numrin e tifozëve miq dhe duke lejuar vetëm ata që udhëtojnë me autobusë të shoqëruar.
Udhëtimi i tifozëve të Freiburgut drejt Monakos për ndeshjen e kësaj të enjteje në Ligën e Konferencës do të zhvillohet në masa të rrepta sigurie. Autoritetet e Principatës kanë vendosur të kufizojnë në 850 numrin e mbështetësve gjermanë që do të lejohen të ndjekin përballe AS Monaco, e programuar për orën 21:00.
Vendimi është publikuar në gazetën zyrtare të Monakos përmes një dekreti ministror, ku përmenden vështirësitë e hasura në vitet e fundit gjatë organizimit të ndeshjeve të futbollit, përfshirë ato kundër Nantes, Lens, Nice dhe Lille. Në vendimmarrje është marrë parasysh edhe zhvillimi i panairit të lojërave në të njëjtin periudhë, që pritet të shtojë fluksin e njerëzve në Principatë.
Nga 850 tifozët gjermanë të lejuar, 650 do të vendosen në tribunën Populaire H, ndërsa 200 të tjerë në sektorin Seconde A. Përveç kufizimit numerik, autoritetet kanë vendosur që në Monako të lejohen vetëm mbështetësit që mbërrinë me autobusë të shoqëruar.
Gjithashtu, disa zona të Principatës do të jenë të ndaluara për personat që identifikohen si tifozë të Freiburgut. Masat synojnë të garantojnë sigurinë dhe të shmangin incidente të mundshme para dhe gjatë takimit.
Monaco vjen në këtë përballe pas një nisjeje pozitive në kompeticionin evropian, ku javën e kaluar fitoi 2-1 në transfertën ndaj CSKA Sofjes. Nëndeshja me Freiburgun pritet të ndiqet nga rreth 8 mijë spektatorë, në një takim ku vëmendja nuk do të jetë vetëm te futbollin, por edhe te masat e jashtëzakonshme të sigurisë.