Franca në shtetrrethim, shpallen orët policore; ndalohen tubimet pranë institucioneve!

Autoritetet franceze kanë lëshuar një urdhrë për shtetrrethim gjatë natës në disa pjesë të Parisit dhe në disa qytete të tjera të vendit, pas protestave masive të fundjavës që degjeneruan në trazira, plaçkitje dhe përplasje të dhunshme me policinë, duke çuar në arrestimin e më shumë se 2,400 personave.

Sipas medieve Libération dhe France24, Prefektura e Policisë së Parisit ka dekretuar një shtetrrethim që do të jetë në fuqi nga ora 23:00 deri në orën 06:00 të mëngjesit sipas orëve lokale. Kjo masë do të zbatohet specifikisht për tre kategori: të miturit e pashoqëruar, personat që mbajnë pajisje mbrojtëse personale dhe personat që fshehin fytyrën e tyre.

Prefektura sqaron se nga ky dekret përjashtohen banorët që mund të provojnë vendbanimin në këto zona, punëtorët, anëtarët e shërbimeve publike të emergjencës dhe tregtarët lokale.

Gjithashtu, nga ora 20:00 deri në 06:00 të mëngjesit janë ndaluar të gjitha demonstratat në zona të tjera të kryeqytetit si Bastille, Châtelet, si dhe pranë vendeve të pushtetit si Pallati Elize, Matignon, Asambleja Kombëtare dhe Senati.

Vendosja e masave ka përfshirë edhe rajone të tjera të Francës: Lille, Douai, Wattignies dhe Denain.

Zyra e Kryeministrit Sébastien Lecornu dhe prefekti i departamentit Nord njoftuan se në këto qytete veriore vendoset shtetrrethim për të miturit nga ora 20:00 deri në 06:00 të mëngjesit për ditët e hënë dhe të martë, në bashkëpunim me kryetarët e bashkive përkatës.

Lion: Një shtetrrethim është shpallur në qendër të qytetit nga e hënë në orën 21:00 deri në 06:00 të mëngjesit të së martës.

Nice: Kryebashkiaku Éric Ciotti vendosi shtetrrethim për të miturit nga ora 21:00 deri në 06:00, i cili do të mbetë në fuqi çdo natë deri në diel, kjo masë prek qendrën e qytetit, Niceën e Vjetër, lagjen Trachel dhe zonën e stacionit jugor të trenit.

Masat e jashtëzakonshme vijnë pas protestave masive ku vlerësohet se mbron pjesë mbi 500,000 njerëz në të gjithë vendin, veçanërisht në Paris, Marselë dhe Limozh.

Ministri i Brendshëm pranoi se policia “humbi kontrollin” në disa qytete për shkak të numrit të pakët të forcave të rendit, ndërsa Presidenti Emmanuel Macron kërkoi një shqyrtim të plotë të masave të sigurisë.

Situata ka nxitur edhe rebelim politik në nivel lokal. Kryebashkiaku i krahut të djathtë i Longjumeau (Maine-et-Loire), Frédéric Mortier, vendosi t’i ulë flamujt e bashkisë në gjysmë shtizë dhe t’i heqë portretin zyrtar të Presidentit Macron.

“Dënoj me fjalët më të ashpra të mundshme dhunën dhe dëmin e kryer nga ata që shkelin ligjet tona, vandalizojnë qytetet tona dhe tregojnë përbuzje për vlerat e Republikës. Franca nuk mund të pranojë që disa të refuzojnë rregullat e përbashkëta, të hedhin poshtë kërkesat e integrimit dhe të sfidojnë autoritetin e shtetit”, deklaroi Mortier, duke e quajtur qëndrimin e kreut të shtetit të padenjë për rendin e ngjarjeve.

Media që s’e dorëzon pavarësinë e saj, i paraprinë një qeverisje te ndershme. Pamfleti është një platformë mediatike analitike që u “lind” si domosdoshmëri e një tribune pa kompromis, si një zë i fuqishëm në luftën pa ekuivok ndaj krimit dhe korrupsionit politik në Shqipëri.