Qeveria miraton shpërblimin për efektivët e angazhuar në protestë

Qeveria ka miratuar në mbledhjen e sotme të Këshillit të Ministrave vendimin për dhënien e shpërblimit financiar për efektivët e Policisë shtetërore për angazhimin e tyre në garantimin e rendit dhe sigurisë publike. Shpërblimi i efektivëve të Policisë shtetërore është i vlerësuar në 269 120 lekë për 2 750 punonjës, për angazhimin e shtuar në garantimin e rendit dhe sigurisë publike. Në buxhetin e Ministrisë së Punëve të Brendshme, është shtuar fondi prej 740 080 000 lekësh për shpenzime korrente në programin buxhetor "Policia e Shtetit". Efekti financiar i këtij vendimi, i vlerësuar në 740 080 000 lekë, do të përballohet nga fondi rezervë i buxhetit të shtetit, miratuar për vitin 2026. Drejtoria e Përgjithshme e Policisë shtetërore do të përcaktojë listën e emërave të punonjësve të Policisë shtetërore përfitues, bazuar në dokumentacionin justifikues dhe do të kryejë procedurat për dhënien e shpërblimit. Ministria e Financave, Ministria e Punëve të Brendshme dhe Drejtoria e Përgjithshme e Policisë shtetërore janë ngarkuar për zbatimin e këtij vendimi. Ky vendim hyrë në fuqi menjëherë dhe botohet në "Fletoren zyrtare".