"Eurodeputetja Anna Strolenberg: Më vjen turp që BE-ja nuk dënoi dhunën e policisë"

Eurodeputetja holandeze, Anna Strolenberg, ka reaguar lidhur me protestat e studentëve në Tiranë, duke ngritur shqetësimin për dhunën e raportuar ndaj protestuesve në Shqipëri. Ajo ka deklaruar se pamjet e protestuesve të qëlluar me plumba gome dhe të të miturve të dhunuar e arrestuar nuk mund të injorohen.

Strolenberg ka akuzuar kryeministrin Edi Rama se nuk po dëgjon kërkesat e qytetarëve dhe se BE-ja ka dënuar vetëm dhunën e disa protestuesve të dhunshëm, por nuk ka reaguar me të njëjtin forcë ndaj përdorimit të tepruar të forcës nga policia kundër protestuesve paqësorë.

Në fund, eurodeputetja ka theksuar se Bashkimi Evropian ka mjete për të ushtruar presion ndaj qeverisë shqiptare, duke kërkuar luftën kundër korrupsionit, reformimin e policisë dhe mbrojtjen e qytetarëve.