Trump shprehet i gatshëm të takohet me Putinin dhe Xi Jinpingun në Kinë

Presidenti i SHBA-së, Donald Trump, ka thënë se është i gatshëm të takohet me presidentin rus Vladimir Putin dhe presidentin kinez Xi Jinping në Kinë, në kuadër të samitit të Azi-Paqësorit në Shenzhen. Trump tha se një samit i tillë do të përqendrohej te çarmatimi bërthamor, por mund të përfshinte edhe diskutime për luftën në Ukrainë.

I pyetur nga gazetarët nëse do të takohej me Putinin dhe Xi Jinpingun për të diskutuar mbi Ukrainën, Trump e minimizoi këtë si çështjen kryesore të takimit. "Do ta bëja këtë, jo aq shumë për Ukrainën, sepse Rusia, sinqerisht, ka qenë e qetë me Ukrainën. Nuk kanë bërë shumë", tha ai.

Trump tha se do të takoheshim për të diskutuar mbi armët bërthamore dhe çarmatimin bërthamor. I pyetur më tej nëse çështja e Ukrainës do të diskutohej në një takim me dy liderët, Trump tha se do të bënte "gjithçka që mundem për t’i dhënë fund luftës".

Grupi i Bashkëpunimit Ekonomik Azi-Paqësor (APEC) do të mbaj një samit në qytetin kinez Shenzhen më 18-19 nëntor. Kina, Rusia dhe Shtetet e Bashkuara janë të gjitha anëtare.