Bota
Trump njofton programin e ri financiar për fermerët amerikanë
Presidenti i SHBA-së, Donald Trump, ka njoftuar një program të ri financiar për fermerët amerikanë për të kompensuar kostot e naftës diesel gjatë sezonit të korrjeve.
Gjatë një takimi elektoral në Kansas, Trump deklaroi se Departamenti Amerikan i Bujqësisë do të nisë një program të përkohshëm ndihme për të kompensuar shpenzimet për naftën diesel që përdoret në aktivitetet bujqësore. Programi synon të lehtësojë barrën financiare mbi fermerët, në një periudhë kur kostot e karburanteve po ndikojnë drejtpërdrejt në shpenzimet e prodhimit bujqësor. Njoftimi vjen në kuadrin e një serie premtimesh dhe angazhimesh financiare të administratës Trump, në prag të zgjedhjeve të mesit të mandatit në SHBA.