Sulmet ruse në Ukrainë: 4 persona të vrarë dhe 11 të plagosur
Sulmet ruse në Ukrainë kanë shkaktuar vdekjen e 4 persona dhe plagosjen e 11 të tjerë në rajonet e Kievit dhe Harkivit.
Shërbimi shtetëror i Emergjencave të Ukrainës ka njoftuar se 4 persona u vranë dhe 11 të tjerë u plagosën nga sulmet ruse në rajonet e Kievit dhe Harkivit. Në rajonin e Kievit, forcat ruse goditën një ndërtesë prodhimi dhe magazinimi në distriktin e Obukhivit, duke vrarë tre persona dhe plagosur gjashtë të tjerë. Sulmi shkaktoi një zjarr, i cili u shua më vonë, ndërsa ekipet e shpëtimit vazhduan punën për largimin e rrënojave.
Në rajonin verilindor të Harkivit, pesë persona u plagosën në një sulm me dron në qytetin e Iziumit. Ministria ruse e Mbrojtjes tha se forcat e saj goditën infrastrukturën logjistike dhe portuale të Ukrainës, si dhe anije mallrash që përdoreshin për transportimin e furnizimeve ushtarake dhe atyre me përdorim dyfishtë për Forcat e Armatosura të Ukrainës.