Cristiano Ronaldo: 36 sekonda për të paguar gjobën e 255 eurosh
Federata Portugeze e Futbollit ka dënuar Cristiano Ronaldon me 1 muaj pezullim dhe 255 euro gjobë për të kërkuar leje për të larguar grumbullimin e kombëtares.
Ditën e hënë Federata Portugeze e Futbollit zyrtarizoi sanksionin për Cristiano Ronaldon që u largua pa leje nga grumbullimi i kombëtares gjatë pauzës për ndeshjet e Nations League. Ronaldo u dënua me 1 muaj pezullim që do të shlyhet plotësisht përpara se trajneri Jorge Jesus të publikojë listën e të grumbulluarve për ndeshjet e muajit nëntor dhe kështu që ai do të mund ta përfshijë sërish atë në skuadër. Po kështu ndaj 41 vjeçarit u vendos edhe masa e dënimit me gjobë prej 255 eurosh dhe në këtë pikë në Portugali kanë shpërthyer polemikat. Sipas një përllogaritjeje të së përditshmes portugeze ‘A Bola’, duke marrë parasysh përfitimet e larta të Cristiano Ronaldo falë supërpagës që përfiton te Al Nassr, futbollistit i mjaftojnë vetëm 36 sekonda për të paguar gjobën prej 255 euro që përbën 0,00012% të pagës së tij vjetore që merr aktualisht.