Shoqëria Civile kallëzon në SPAK Edi Ramën
Shoqëria Civile ka kallëzuar penalisht kryeministrin Edi Rama për gjashtë akuza, duke përfshirë gjenocid, ushtrimin e ndikimit, shpërdorimin e detyrës dhe dhënien e urdhrave të paligjshëm.
Dhjetë aktivistë të Shoqërisë Civile kanë kallëzuar penalisht në Prokurorinë e Posaçme (SPAK) kryeministrin Edi Rama. Kallëzimi renditet në një klimë të tensionuar, pas protestave dhe reagimeve për mënyrën e ndërhyrjes së Policisë së Shtetit ndaj protestuesve.
Sipas kallëzimit, janë kryer veprime që cenojnë të drejtat dhe liritë themelore, përfshirë lirinë e shprehjes dhe të organizimit, si dhe integritetin fizik dhe psikologjik të individëve. Gjashtë pikat e renditura në kallëzim janë:
1. Gjenocid ndaj një pjesë të shoqërisë, përmes asaj që kallëzuesit e cilësojnë si veçim, diskriminim, linçim dhe zhvlerësim, të shoqëruar me dhunë, përndjekje dhe dëme fizike e psikologjike. 2. Ushtrimi i ndikimit për kryerjen e veprimeve të paligjshme, përmes premtimit të parave punonjësve të rendit. 3. Shpërdorimi i detyrës, me veprime që pretendohet se kanë sjellë pasoja në interesat e shtetasve. 4. Dhënien e urdhrave të paligjshëm, që, sipas kallëzuesve, cenojnë lirinë dhe integritetin e individit. 5. Mosmarrja e masave për ndërprerjen e gjendjes së paligjshmërisë. 6. Kryerja e veprimeve për pengimin e lirisë së shprehjes dhe organizimit.
Pretendimet e paraqitura në kallëzim përballen me akuza të kallëzuesve dhe mbeten në kompetencën e organeve të drejtësisë për të vlerësuar nëse ekzistojnë elemente të veprave penale dhe nëse ka përgjegjësi ligjore për personat e kallëzuar.