PAMJE ME DRON: Mijëra pedagogë marshim masiv nga Politekniku dhe protestë para Kryeministrisë: Pa dorëheqjen e Ramës nuk ndalojmë!

Më shumë se 1300 pedagogë të Universitetit Politeknik të Tiranës u bashkuan në një marshim masiv drejt Kryeministrisë, ku protestuan duke kërkuar dorëheqjen e kryeministrit Edi Rama. Protesta u zhvillua me thirrjen "Pa dorëheqje nuk ndalojmë!" dhe akademikët dhe profesorët e shprehën kërkesën për përgjegjësi politike dhe largimin e Ramës nga detyra.

Pedagogët kanë njoftuar se do të mblidhen çdo ditë në orën 10:00 para Kryeministrisë, duke e kthyer këtë qëndrim në një formë të vazhdueshme proteste. Kjo revoltë është e shtata ditë e studentëve, të cilët kanë ngritur shqetësime edhe për funksionimin e Parlamentit, për të cilin shprehen se ka pushuar së funksionuari dhe duhet të shpërndahet.