Champions, finalja e parë…e vërtetë/ Të gjithë sytë në “Parc De Prince”, Paris SG pret Barcelona
Paris SG dhe Barcelona janë dy favoritët e mëdhenj të Champions League, të cilët do të luajnë një finale të parakohshme në xhiron e tretë të ndeshjeve të fazës së Ligës.
Skuadra e drejtuar nga Luis Enrique kërkon të tregojë se nuk ka ndërmend të dorëzojë titullin, duke fituar 4-2 në fushën e Manchester City një javë më parë. Tani pret konfirmimin përballë Barcelonës, që konsiderohet si ekipi më spektakolar i këtij sezoni në futbollin europian.
Parizienët kanë një mungesë të rëndësishme si ajo e anësorit të majtë Nuno Mendez, që vuan një dëmtim. Në super ndeshjen e mbrëmjes, pretendente shihet Barcelona, që sipas të gjitha parashikimeve ka kuota më të larta për të fituar. Diferenca është e vogël, por gjithsesi skuadrës së Hansi Flick I jepen më shumë shanse për sukses. Kampionët spanjollë nuk njohin humbje në këtë sezon dhe janë një makineri golash, me më shumë se 4 realizime për ndeshje.