36-vjeçari nga Kavaja arrestohet pas dënimit me 3 vite e 4 muaj burg për prodhim dhe shitje droge

Një 36-vjeçar nga Kavaja, i cili ishte shpallur në kërkim pas dënimit për veprën penale "Prodhimi dhe shitja e narkotikëve", u arrestua në Durrës. Ai ishte dënuar me 3 vite e 4 muaj burg për prodhim dhe shitje të narkotikëve nga Gjykata e Durrësit.

36-vjeçari u kap nga policia pas informacioneve të siguruara për vendndodhjen e tij. Specialistët e Seksionit për Hetimin e Narkotikëve të DVP Durrës, si rezultat i veprimeve të shpejta policore të kryera pas sigurimit të informacioneve për vendndodhjen e një shtetasi në kërkim, bënë të mundur lokalizimin, kapjen dhe ndalimin e shtetasit J.K., 36 vjeç, banues në Kavajë.

Ky shtetas ishte shpallur në kërkim pasi Gjykata e Shkallës së Pare e Juridiksionit të Përgjithshëm Durrës e ka dënuar me 3 vjet e 4 muaj burgim, për veprën penale "Prodhimi dhe shitja e narkotikëve". Materialet procedurale i kaluan Prokurorisë, për veprime të mëtejshme.